Fəsillərdən ən gözəlidir payız. Ruha sakitlik, duyğulaımıza isə inanılmaz rəngarənglik verir. Ətrafımızda o qədər gözəlliklər var ki, insan baxmaqdan doymur. İlahinin insanlara bəxş etdiyi bütün rəng çalarlarını bu gözəl fəsildə görmək olur.Azərbaycanımızın dilbər guşəsi olan Zaqatalada payızı duymaq, onunla iç-içə yaşamaq bir başqa zövq verir. Ayaqlar altında yarpaqların xışıltısını duymaq, xəyallara dalmaq, ara-bir yağan yağışın üzərinə tökülən damcıları altında islanmaq insanı sanki yenidən doğulmuş kimi edir.
Payız duyğuların dilə gəldiyi, sevgilərin etiraf edildiyi fəsildir. Payız toy-düyün, sevgilərin qovuşduğu fəsildir. Payızı sevirəm, çünki həyatı sevirəm. Payızı sevirəm, çünki payız təbiətin müdriklik çağı, kamilliyidir. Payızı sevirəm, çünki payız təbiətə çox yaraşır.
Payızda yağan yağışın torpağa döşərkən damcıların rəqs səsi, uçuşan yarpaqların xışıltısı, coşub-daşan dağ çayının sularının şaqraq səsi sanki möhtəşəm bir simfoniyadır. Payız həzin bir mahnıdır, payız rəssamın hələ çəkmədiyi, lakin çəkmək arzusunda olduğu tablodur. Payız əhval-ruhiyyədir. Ona hansı əhvalla baxsan onu elə də görəcəksən. Payıza sevgiynən bax ki, seviləsən, payıza mehri-məhəbbətnən bax ki, həyata məhəbbətin artsın.
Комментариев нет:
Отправить комментарий